تنبيه: جميع الاحداث و الشخصيات من وحي الخيال، و كل تشابه هو من باب الصدفة
سيدي رايس لحكومة، يا سيد لكل
على لله يا باجي
يا خليفة الغنوّشي
على راس لحكومة الفاشوشي
سيدي رايس لحكومة، يا سيد لكل
على لله يا باجي
يا فكّاك الموصد
يا اخر ديناصور
في سلالة حزب الدستور
سيدي رايس لحكومة، يا سيد لكل
على لله يا باجي
ما حلى تونسنا الثوريّة
بلحسن في كندا يراجي
و صخر اموره في العنبر
لا قلق و لا مرّاجي
و كل دقيقة تسمع بواحد من الاربعين
عمل فر فر و خلاّها وراها عجعاجي
سيدي رايس لحكومة، يا سيد لكل
على لله يا باجي
جابوكم تصلّحوا في الامور
توّا هاو عندكم شهور
و حالنا كي حال عروسة
هازينها للصّالة
فوق تراكتور
سيدي رايس لحكومة، يا سيد لكل
على لله يا باجي
توّا شهور كنِّا شايخين
ما تسمع كان يا شعب ثور ثور
بهيبتك يا سيدنا
ذكرتنا اليّ انتوما هوما اولياء الامور
والّي الرعاع محكوم عليهم يقعدوا جبور
و مش كان يموتوا 600
و يطيروا خمسين دكتاتور
سيدي رايس لحكومة، يا سيد لكل
على لله يا باجي
لّيا عامين يا حنيني
ما ريت لحمة بعيني
ما جانييش حتّى ربع دجاج و هنّاني
و مع الهيبة زاد صار فيّا
سيدي رايس لحكومة، يا سيد لكل
على لله يا باجي
ليّا عامين بالشهور،
نخلّص في كمبيايالت الموتور
ليسانس اغلى من الوسكي و الكيّاس محفور
يا الباجي ما تخليها بيا
سيدي رايس لحكومة، يا سيد لكل
على لله يا باجي
ليا عامين يا جماعة،
لا ريت عيد و لا ريت خلاعة،
ما هناتني كان تلفزتك
كيف ڨتلي هاو الصومال
فيها مجاعة
سيدي رايس لحكومة، يا سيد لكل
على لله يا باجي
ليّا قرنين يا لطيف
تلفزتك تسمّّي فيا البزڨليّف
و حكومتكم ممنوعة عليّّا
ڨالولي لا يدخلنها الاّ من كان شريف
و في بلادي راو
صار عليّا
ويييييييييييييييه وانا بحري ما يحب كان البلديّة
يا جبورة ابعدوا عليّا
ويييييييييييييييه وانا بحري ما يحب كان الفلاّمة
لا جلاص و لا فراشيش و لا همامة
احنا الشيفان و انتم الخدّامة
بلّعوا و تبّعوني
و انا نورّيكم طريڨ السلامة
سامي التليلي
اوت 2011
Aucun commentaire:
Enregistrer un commentaire