اكذب اكذب لين يصدقوك

النهضة قتلك لا ما ضربتش و ما فشختش خاطيني و يتبلاّو عليّ و جمهور الترجي قالك خاطينا و ما عملنا شي و التيتروات الّي هزتها الترجّي لكلها مستحقة و شيبوب راجل نظيف ( انظف من نظيف المسحوق العجيب) و منخرطي التجمع يباركوا في الثورة المجيدة و نواب مجلس العار الي طالعين بانتخابات مزورة و حتّى ڨرودة البلفيدير يعرفوها مزورة، قالّك احنا شرعيين و برّاوا اثبتوا الي هي مزورة!!
خوفي لا شويّة اخر يطلعلنا بن علي و يڨول تكذبوا عليا راني ما شديتش رئيس 23 سنة و ليلي راهي ماهياش مرتي و الطرابلسية هاذي مؤامرة صهيونيٌة
 ظاهرلي لواحد يدزها بضحكة خير ما يطيح يتصكك ولا تحكم عليه الكلبة بنت الكلب و يطيح يفلّڨ فيها على بعضها.
هو على كل حال الّي صاير توّة هو بكل بساطة رقصة الديك المذبوح، خصوصا من طرف اذيال و كلاب الحزب الفاشي حزب الدستور، رقصة ديك المذبوح ماعندها وين توصّلهم خاطر الشعب حلف بيمينه  باش يقضي على عصابة الدستور لين يطلعلها البلحوح.
و كانكم على البقيّة ما عندهم وين هاربين هاتو يجي عليهم الدّور و دور يا كلام على كيفك دور